'पुढचा नंबर भासेचा', मंगेश काळोखेंनंतर आणखी एका नगरसेवकाच्या हत्येचा प्लॅन? 'त्या' पोस्टने खळबळ

शिवसेना शिंदे गटाच्या नवनिर्वाचित नगरसेविका मानसी काळोखे यांचे पती मंगेश काळोखे यांची निर्घृण हत्या करण्यात आली आहे. आरोपींनी काळोखे यांचा पाठलाग करून त्यांच्यावर तलवार, कोयता आणि कुऱ्हाडीने वार केले. राजकीय पूर्व वैमनस्यातून ही हत्या झाल्याने संपूर्ण जिल्हा हादरला आहे. ही घटना ताजी असताना आता खोपोलीपासून जवळच असलेल्या कर्जतमध्ये राजकीय वातावरण तापलं आहे. इथंही एका नगरसेवकाच्या हत्येचा प्लॅन रचल्याची माहिती समोर आली आहे.