आमच्या वॉर्डात आमदार बनसोडेंचा पोरगा नको, महिला आक्रमक, अजितदादांवर प्रश्नांच्या फैरी

पिंपरी चिंचवड : महापालिका निवडणुकीसाठी अर्ज दाखल करण्यास आजपासून सुरुवात झालेली असली तरी युती आघाड्यांच्या चर्चांनी अद्याप अंतिम वळण घेतलेले नाही. तसेच काही जागांवरील उमेदवारांच्या नावांवरही अद्याप एकमत न झाल्याने मुलाखतींसाठी बैठका संपन्न होत आहे. नेहमीप्रमाणे उमेदवारीसाठी घराणेशाहीतून लॉबिंग सुरू असल्याने इच्छुकांच्या उमेदवारीचे काय होणार? असा प्रश्न आहे. याच पार्श्वभूमीवर पिंपरी चिंचवडमधील एका प्रभागातील महिलांनी आपल्या इच्छुक नेत्याच्या समर्थनार्थ घोषणा देऊन आमदार अण्णा बनसोडे यांचा मुलगा उमेदवार म्हणून आम्हाला चालणार नाही, असे स्पष्ट शब्दात सांगितले.