पिंपरी चिंचवडमध्ये अजितदादांना घेरायला सुरुवात, त्यांना सत्तेत घेऊनच पश्चाताप, फडणवीसांना सांगत होतो... चव्हाणांनी वात पेटवली

पुणे : पिंपरी चिंचवड महापालिका निवडणुकीच्या लढतींचे चित्र स्पष्ट झाल्यानंतर खऱ्या अर्थाने निवडणुकीला रंग चढला आहे. परंतु सत्ताधारी-विरोधकांमध्ये आरोप प्रत्यारोपांच्या फैरी झडणे अपेक्षित असताना सत्ताधाऱ्यांमध्येच एकमेकांवर हल्ले करणे सुरू झाले आहे. पिंपरी चिंचवडमचा बालेकिल्ला पुन्हा मिळविण्यासाठी अजित पवार प्रयत्न करीत असताना त्यांना घेरण्यासाठी चहूबाजूंनी भाजपने प्रयत्न सुरू केले आहेत. पिंपरी चिंचवडमध्ये सत्ताधारी भाजपच्या काळात भ्रष्टाचार बोकळल्याचा आरोप केल्यानंतर भाजपचे नेतेही चवताळून उठले आहे. तुम्ही मोदी-फडणवीसांच्या भाजपबद्दल बोलताय हे लक्षात ठेवा, आम्ही आरोप करायला गेलो तर तुम्हाला खूप अडचणी येतील, असा उघड इशाराच भाजप प्रदेशाध्यक्ष रविंद्र चव्हाण यांनी दिला आहे.