पिंपरी-चिंचवडमधल्या स्पा सेंटरवर देहविक्री, पोलिसांना टीप मिळाली, अन् रॅकेट उद्ध्वस्त

अनैतिक मानवी वाहतूक प्रतिबंधक विभागाने छापेमारी करत सहा महिलांची सुटका केली आहे. या प्रकरणी संबंधित स्पा चालक आणि मॅनेजरविरोधात पीटा कायद्यांतर्गत गुन्हे दाखल करण्यात आले असून पुढील तपास सुरू आहे.

पोलिसांच्या कारवाई विशालनगर येथील इंटरनल फॅमिली स्पामधून चार, निगडी येथील ईगल स्पामधून दोन, तसेच कृष्णा लॉज आणि आळंदी येथील योगीराज लॉजवर छापे टाकून प्रत्येकी एका महिलेची सुटका करण्यात आली आहे.

स्पा सेंटर्समधील बेकायदेशीर वेश्याव्यवसायाला आळा घालण्यासाठी अनैतिक मानवी वाहतूक प्रतिबंधक विभागाने पिंपरी-चिंचवडचे पोलिस आयुक्त विनायक कुमार चौबे यांच्या आदेशानुसार ही कारवाई केली. सहाय्यक पोलीस आयुक्त विशाल हिरे आणि पोलीस उपायुक्त शिवाजी पवार यांच्या मार्गदर्शनानुसार पोलीस निरीक्षक नितीन गीते यांच्या पथकाने ही धडक कारवाई केली.

'इंटरनल फॅमिली स्पा'वर पोलिसांनी धाड टाकून अब्दुल मोहम्मद हुसेन कलाम याला अटक केली. तेथील महिलेसह मॅनेजरवर 'पीटा' कायद्यांतर्गत गुन्हा दाखल करण्यात आला आहे. पोलीस अधिक तपास करीत आहेत.