फडणवीसांच्या घोषणेनंतर रुपाली चाकणकरांची धडधड वाढली; खरातच्या ट्रस्टची झाडाझडती होणार, चौकशी कधी?

मुंबई : नाशिकचा भामटा अशोक खरात याची काळी कृत्य आता समोर आली आहेत. बुवाबाजीच्या नावाखाली त्याने अनेक महिलांचे जीवन नासवले.  केंद्रीय मंत्र्यापासून ते गल्लीबोळातील नेत्यांपर्यंत अनेक जणांनी त्याच्या आश्रमात हजेरी लावली आहे. मिरगावातल्या श्री शिवनिका संस्थेच्या नावाखाली सुरू असलेल्या आश्रमात काळ्या पैशांचा मोठा खेळ सुरू असल्याचा धक्कादायक प्रकार उघडकीस आला आहे. खरातच्या शिवनिका संस्थेच्या सदस्यांचीही चौकशी करण्यात येणार आहे. मुख्यमंत्री देवेंद्र फडणवीस यांनी खरातच्या संस्थेवरील सदस्यांचीही चौकशी होईल, असे सांगितले. त्यामुळे, याप्रकरणात राष्ट्रवादी काँग्रेसच्या महिला प्रदेशाध्यक्ष रुपाली चाकणकर यांच्या अडचणीत आणखी वाढ झाली आहे.