Pune Elections : पुण्यात शिवसेनेच्या दोन इच्छुकांमध्ये तुफान राडा, प्रतिस्पर्धी उमेदवाराचा एबी फॉर्म गिळला!

पुणे : महाराष्ट्राच्या 29 महानगरपालिका निवडणुकांसाठी उमेदवारी अर्ज दाखल करण्याची मुदत संपली आहे, पण अजूनही राजकीय पक्षांमधला वाद काही कमी व्हायचं नाव घेत नाहीये. पुण्यामध्ये तर एका उमेदवाराने एबी फॉर्मच गिळून टाकल्याचा धक्कादायक प्रकार घडला आहे. पुणे महानगरपालिका निवडणुकीसाठी भाजप-शिवसेनेची युती फिस्कटली आहे, पण तरीही दोन्ही पक्षांकडे इच्छुकांची गर्दी कमी होत नव्हती, त्यामुळे दोन्ही पक्षांच्या कार्यकर्त्यांमध्ये नाराजी पाहायला मिळाली.