Private Bus: खासगी बस चालकांचे मनमानी दर, पुणे आरटीओ अ‍ॅक्शन मोडमध्ये, कुठे करायची तक्रार?

पुणे: सणासुदीच्या काळात शहरातून गावी जाणाऱ्यांची संख्या फास जास्त असते. एसटी आणि रेल्वेची तिकिटं मिळाली नाही तर अनेक प्रवासी खासगी बसचा पर्याय निवडतात. मात्र, काही खासगी वाहतूकदार प्रवाशांकडून मनमानी भाडे वसूल करत असल्याचा प्रकार समोर येत आहेत. या पार्श्वभूमीवर, पुणे प्रादेशिक परिवहन कार्यालय (आरटीओ) अ‍ॅक्शन मोडमध्ये आलं आहे. जास्तीचं भाडे आकारणाऱ्या खासगी बसविरोधात तक्रार करावी, असं आवाहन पुणे आरटीएने केलं आहे. प्रवाशांच्या जागृतीसाठी शहरातील प्रमुख ठिकाणी आणि खासगी बसतळावर माहितीपर फलक लावण्यात आले आहेत. नियमबाह्य पद्धतीने जास्तीचे पैसे घेतल्यास कडक कारवाई करण्याचा इशारा आरटीओने दिला आहे.