प्रशांत जगतापांनंतर शरद पवारांना मोठा धक्का, पिंपरी चिंचवडमधील बडा नेता भाजपच्या गळाला

पुण्यात राष्ट्रवादी काँग्रेस शरद पवार गटाचे शहराध्यक्ष प्रशांत जगताप यांनी राजीनामास्त्र उगारलं आहे. त्यांनी राष्ट्रवादीचे दोन्ही गट एकत्र येण्याला विरोध दर्शवला आहे. प्रशांत जगतापांनी पक्षातून बाहेर पडण्याचा निर्णय घेतल्याने हा शरद पवारांना मोठा धक्का मानला जात आहे. अशात आता पिंपरी चिंचवडमध्ये देखील राष्ट्रवादी काँग्रेस (शरदचंद्र पवार) पक्षाला दुसरा मोठा धक्का बसला आहे. चिंचवड विधानसभेचे उमेदवार राहुल कलाटे यांनी भाजपमध्ये जाण्याचा निर्णय घेतला आहे. आज मंगळवारी भाजपचे प्रदेशाध्यक्ष रवींद्र चव्हाण यांच्या उपस्थितीत त्यांचा अधिकृत पक्षप्रवेश होणार असल्याची माहिती आहे.