'वाघ्या कुत्र्याचा पुतळा हटवा नाहीतर...', संभाजी ब्रिगेडचा सरकारला अल्टिमेटम

बालाजी निरफळ, प्रतिनिधी धाराशिव: गेल्या काही दिवसांपासून महाराष्ट्रात छत्रपती संभाजी महाराज आणि औरंगजेबाच्या कबरीवरून वाद सुरू आहे. काही हिंदुत्ववादी संघटनांनी औरंगजेबाची कबर हटवण्याची मागणी केली. याचे पडसाद नागपुरात उमटले. तिथे दंगल उसळून आली. हे कमी होतं म्हणून की काय आता रायगडावर छत्रपती शिवाजी महाराज यांच्या समाधीसमोर असलेल्या वाघ्या कुत्र्याच्या शिल्पावरून वाद पेटला आहे. समाधीसमोरील हा पुतळा हटवण्याची मागणी काही संघटनांकडून केली जात आहे. वाघ्या कुत्र्याला कसलाही ऐतिहासिक संदर्भ नाहीये, त्यामुळे हा पुतळा हटवावा, अशी मागणी केली जात आहे.