Raj Thackeray : ठाकरे गटाचे टेन्शन वाढले! मनसेची शिंदे गटासोबत महायुतीत एन्ट्री?

राज्यात सर्वोच्च न्यायालयाने स्थानिक स्वराज्य संस्थांच्या निवडणुका पुढील चार महिन्यांत घेण्याचे आदेश दिल्याने शिंदे गटाने वेगाने राजकीय हालचाली सुरू केल्या आहेत. त्यानुसार, मनसेला सोबत घेण्यासाठी हालचालींना गती मिळाली असून, शिवसेना सध्या युतीच्या चर्चेत आघाडीवर आहे. या उलट, उद्धव ठाकरे यांच्या नेतृत्वाखालील ठाकरे गट आणि मनसे यांच्यात मात्र अद्याप कोणतीही ठोस बैठक झालेली नाही. दोन्ही बाजूंनी "पहिले आप, पहिले आप" या औपचारिकतेतच वेळ जात असल्याचे राजकीय वर्तुळात बोलले जात आहे.

मनसे आणि शिंदे गट यांची युती जाहीर झाल्यास मुंबई, ठाणे, पुणे यांसारख्या महानगरांतील निवडणुकांमध्ये भाजप-शिवसेना-मनसे अशी महायुती महत्त्वाची भूमिका बजावू शकते. दोन्ही पक्षांची मुंबई आणि ठाण्यातील कार्यकर्त्यांमध्ये आधीपासून ओळख असल्यामुळे युतीचा फायदा दोघांनाही होऊ शकतो.