Raj Thackeray : मुंबईत मनसेसोबत कोणाची ताकद? पदाधिकाऱ्यांच्या बैठकीत राज ठाकरेंनी काय म्हटले, Inside Story

मागील काही महिन्यांपासून उद्धव ठाकरे आणि राज ठाकरे हे एकत्र येणार असल्याच्या चर्चा सुरू आहेत. या चर्चांच्या पार्श्वभूमीवर राज ठाकरे यांच्या बैठकांचा धडाका सुरू आहे. आज बैठकीत राज यांनी पदाधिकार्‍यांना महत्त्वाचे आदेशही दिले.

मुंबई महापालिका निवडणुकीच्या पार्श्वभूमीवर राज ठाकरे यांनी आज विभाग अध्यक्ष आणि काही शाखा अध्यक्षांची विशेष बैठक घेतली. या बैठकीत गटाध्यक्ष आणि पदाधिकाऱ्यांनी विशेष जबाबदारी घेऊन निवडणुकीच्या कामाला लागावे, मतदार याद्या तपासाव्यात, अशा स्पष्ट सूचना राज ठाकरेंनी दिल्या. प्रत्येक वॉर्डमध्ये किमान 2 जणांना मतदारयादीची जबाबदारी द्या, 110 जणांची एक टीम तयार करून मतदार यादीचा आढावा घेण्याची सूचना राज यांनी दिली.