जयंत पाटील म्हणाले, घोषणा देऊन मुख्यमंत्री होत नाही , शरद पवार खळखळून हसले

इस्लामपूर (वाळवा) : राष्ट्रवादीतील पक्षफुटीनंतर ज्येष्ठ नेते शरद पवार यांना खंबीरपणे साथ देऊन महाराष्ट्र पिंजून काढणारे नेते प्रदेशाध्यक्ष जयंत पाटील यांच्या इस्लामपूर वाळवा मतदारसंघात राष्ट्रवादीच्या शिवस्वराज्य यात्रेची सांगता सभा पार पडली. सभेतील वक्त्यांकडून या सभेचा पूर्ण फोकस जयंत पाटील यांनी दोन-अडीच वर्षात महाराष्ट्रात पक्षसंघटनेसाठी केलेल्या कामावर होता. त्याचमुळे साहजिक विधानसभा निवडणूक होण्याआधी जयंत पाटील सर्वोच्च खुर्चीवर बसावेत, अशी इच्छा कार्यकर्त्यांनी घोषणांच्या माध्यमातून व्यक्त केली. त्यावर जयंत पाटील यांनी नेहमीच्या स्टाईलने टोलेबाजी केली.