मिरजेतून कुंभमेळ्यासाठी जाण्याची सोय, जयनगर विशेष साप्ताहिक एक्स्प्रेस धावणार

सांगली: मिरजेतून मिरज-जयनगर-मिरज नवीन साप्ताहिक विशेष एक्स्प्रेस सुरू होणार आहे. मिरजेतून बिहारला जाणाऱ्या या रेल्वेस रेल्वे बोर्डाने मंजुरी दिली असून या विशेष एक्स्प्रेसचा रेल्वेच्या नवीन वेळापत्रकात समावेश करण्यात आला आहे. तसेच कोल्हापूर-अहमदाबाद साप्ताहिक एक्स्प्रेसचा राजकोटपर्यंत विस्तार करण्यात आला आहे. विशेष एक्स्प्रेस-जयनगर येथून दर मंगळवारी रात्री 11:50 वाजता सुटेल आणि मिरजेत गुरुवारी रात्री 11:45 वाजता पोहोचेल. मिरजेतून दर शुक्रवारी सकाळी 10:15 वाजता सुटेल आणि जयनगर येथे रविवारी सकाळी 9:30 वाजता पोहोचेल.