Sangli Panchayat Samiti Result : सांगली जिल्ह्यातील पंचायत समितीत कुणी मारली बाजी? पाहा तालुका वाईज संपूर्ण निकाल

Sangli Panchayat Samiti Election Result 2026 : सांगली जिल्ह्यातील पंचायत समिती निवडणुकीचे सर्व निकाल आता हाती आले असून, जिल्ह्याच्या ग्रामीण सत्तेचे चित्र स्पष्ट झाले आहे. या निवडणुकीत काही तालुक्यांत सत्ताधाऱ्यांनी आपले वर्चस्व कायम राखले आहे, तर काही ठिकाणी महाविकास आघाडीने मुसंडी मारली आहे. मिरज आणि जत तालुक्यामध्ये भाजपने आपली पकड मजबूत ठेवली आहे. मिरज पंचायत समितीच्या 22 जागांपैकी 10 जागांवर विजय मिळवत भाजपने मोठे यश संपादन केले आहे, तर जतमध्ये 18 पैकी 12 जागा जिंकून एकहाती वर्चस्व प्रस्थापित केले आहे. जतमध्ये काँग्रेसला केवळ 4 जागांवर समाधान मानावे लागले असून, तिथे कमळाचा जोर अधिक असल्याचे दिसून आले आहे.