Santosh Deshmukh : संतोष देशमुख हत्या प्रकरणात मोठी अपडेट! फरार आरोपींना...पोलिस अधिक्षकांनी ग्रामस्थांना दिला शब्द

Santosh Deshmukh Case Update : सुरेश जाधव, बीड : केज तालुक्यातील मस्साजोगचे सरपंच संतोष देशमुख हत्या होऊन आतापर्यंत 22 दिवस उलटले आहेत.मात्र अद्यापही पोलिसांना सर्व आरोपींना अटक करण्यात यश आलेलं नाही. त्यात काही आरोपी स्वत:हून शरण आले आहेत. त्यामुळे मस्साजोगच्या ग्रामस्थांमध्ये पोलिसांविरूद्ध रोष आहे. त्यामुळे देशमुख हत्या प्रकरणातील फरार आरोपींच्या अटकेसाठी मस्साजोगच्या ग्रामस्थांनी जलसमाधी आंदोलन केलं होतं. या आंदोलनानंतर पोलीस अधिक्षक नवनीत कॉवत यांनी फरार आरोपींना दहा दिवसात अटक करू असा शब्द दिला आहे. त्यानंतर ग्रामस्थांनी आंदोलनाला स्थगिती दिली आहे.