Santosh Deshmukh : देशमुख हत्याप्रकरणानंतर बीड पोलीस ॲक्शन मोडमध्ये, 'त्या' 77 जणांना दणका, परवानेही रद्द

Santosh Deshmukh News : सुरेश जाधव, बीड : बीडच्या मस्साजोगचे सरपंच संतोष देशमुख हत्याप्रकणात दररोज नवीन खुलासे समोर येत आहेत. त्यात आता या प्रकरणात सीआयडी आणि पोलिस अशा वेगवेगळ्या यंत्रणा तपास करत असताना आता बीड पोलिस ॲक्शन मोडमध्ये आली आहे. बीडमध्ये हवेत गोळीबार करणाऱ्या कैलास फड, माणिक फड, बाळासाहेब सोनवणे यांचे परवाने रद्द करण्यात आले आहेत. त्यांच्यासोबत 74 जणांचे शस्त्र परवाना रद्द केल्याची कारवाई जिल्हाधिकारी अविनाश पाठक यांनी केली आहे.त्यामुळे पोलिसांच्या या कारवाईचे बीडमधील जनतेने स्वागत केले आहे.