मंदिराचा जिर्णोद्धार करताना आढळली हजारो वर्षांपूर्वीची ऐतिहासिक मातीची भांडी, काय आहे नेमका इतिहास?

सातारा : सातारा जिल्हा हा ऐतिहासिक जिल्हा म्हणून ओळखला जातो. याच सातारा जिल्ह्यात खटाव तालुक्यात कातरखटाव येथे कात्रेश्वर मंदिर एक जागृत देवस्थान म्हणून प्रसिद्ध आहे. सध्या काही दिवसांपासून या मंदिराच्या जिर्णोद्धाराचे काम युद्धपातळीवर सुरू झाला आहे. या मंदिराला हजारो वर्षांपूर्वीचा इतिहास लाभला आहे. त्याचबरोबर या मंदिराची खासियत म्हणजे मंदिराला हजारो टन वजन असलेल्या दगडांमध्ये कोरीव नक्षी काम केले आहे.

हे मंदिर यादव कालीन मंदिर असल्याचं सांगण्यात येत आहे. देवगिरीचे राजे सिंघनदेव यादव हे शिखर शिंगणापूर येथे आले होते. त्यावेळी या भागांमध्ये शंकराची मंदिरे बांधण्यात आली. या मंदिराच्या जीर्णोद्धाराचे काम सुरू असताना मंदिराच्या भिंतीमध्ये लहान मोठी 10 भांडी, मडकी सापडले आहेत.

अशा तऱ्हेने मंदिराच्या जिर्णोद्धारचे काम करीत असताना इतिहासकालीन सापडलेली मातीची भांडी, वस्तू हा चर्चेचा विषय बनला आहे. तर मंदिराच्या परिसरामध्ये हजारो वर्षांपूर्वीच्या ज्या ज्या वस्तू सापडतील, त्यांचे संवर्धन शासनाच्या माध्यमातून करण्यात येणार आहे, असे सांगण्यात आले आहे.