Sharad Pawar: 'एवढ्या लवकर मला वर घालवताय काय रं...', शरद पवारांच्या गुगलीने कोल्हापुरात हास्यकल्लोळ

मुंबई : राष्ट्रवादी काँग्रेसचे सर्वेसर्वा शरद पवार यांचा मिश्किलपण काही नवा नाही,आज पुन्हा याचा प्रत्यय कोल्हपूरमध्ये आला आहे. शरद पवार हे दोन दिवस कोल्हापूर दौऱ्यावर आहेत. तब्बल चार तासांचा प्रवास करून ते कोल्हापूरमध्ये पोहोचले. दीर्घ प्रवासानंतरही त्यांच्या चेहऱ्यावरचा उत्साह आणि मिश्किलपणा कायम असल्याचे पहिले मिळाले. हॉटेलमध्ये पोहोचल्यावर काही वेळासाठी ते बाजूच्या हॉलमध्ये थांबले होते. यावेळी विविध माध्यमांचे प्रतिनिधी तिथे पोहचले होते. यावेळी जिल्हाध्यक्ष व्ही. बी. पाटील आणि आर. के. पवार यांनी उपस्थित पत्रकारांशी संवाद साधताना, 'साहेब आता वर चालले आहेत. आज पत्रकार परिषद होणार नाही, असे सांगितले.