निवडणुकीआधीच नियतीनं घात केला, नाशकात ठाकरे गटाच्या उमेदवाराचा झोपेतच मृत्यू

बब्बू शेख, प्रतिनिधी मनमाड: नाशिक जिल्ह्याच्या मनमाड नगर परिषदेच्या निवडणुकीचा प्रचार शिगेला पोहोचला असतानाच शहरात धक्कादायक घटना घडली आहे. प्रभाग क्रमांक १० 'अ' मधील शिवसेना ठाकरे गटाचे अधिकृत उमेदवार नितीन वाघमारे यांचा सोमवारी रात्री मृत्यू झाला. सोमवारी दिवसभर प्रभागात फिरून प्रचार केल्यानंतर ते रात्री घरी येऊन झोपले होते. मात्र झोपेतच नियतीने घात केला आहे. अवघ्या २४ व्या वर्षीच नितीन वाघमारे यांनी जगाचा निरोप घेतल्याने परिसरात हळहळ व्यक्त केली जात आहे.