मासेप्रेमींच्या ताटातून मोठी मच्छी गायब, दरवाढीचा पर्यटकांना फटका

सितराज परब-प्रतिनिधी, सिंधूदूर्ग : दिवाळी सुटीनंतर सिंधुदुर्ग जिल्ह्यात पर्यटकांची मोठी गर्दी पाहायला मिळत आहे. स्वच्छ आणि सुंदर किनारपट्टी असलेल्या सिंधुदुर्गात पर्यटक सागर किनाऱ्याचा आनंद लुटण्यासाठी आणि ताज्या मच्छीचा आस्वाद घेण्यासाठी मोठ्या प्रमाणावर येत आहेत. सिंधुदुर्गात १ ऑगस्टपासून मासेमारी हंगामाला प्रारंभ झाला होता, परंतु ऑक्टोबरपर्यंत समुद्रात वादळासारखी स्थिती असल्याने मासेमारीला अपेक्षित गती मिळाली नव्हती. सध्या, मासेमारी पूर्ण क्षमतेने सुरू झाली आहे, त्यामुळे बाजारात मच्छी येऊ लागली आहे, पण ती मर्यादित प्रमाणात.