Solapur: बाळासाहेब सरवदे खून प्रकरणात मोठा ट्विस्ट, मृताच्या कुटुंबाविरोधातच गुन्हा दाखल
- Published by:Ravindra Mane
Last Updated:
Balasaheb Sarvade Murder Case: सोलापूरचे महाराष्ट्र नवनिर्माण विद्यार्थी सेनेचे शहराध्यक्ष बाळासाहेब सरवदे यांच्या खून प्रकरणाला आता एक वेगळं वळण मिळालं आहे.
प्रीतम पंडित, प्रतिनिधी सोलापूर: सोलापूरचे महाराष्ट्र नवनिर्माण विद्यार्थी सेनेचे शहराध्यक्ष बाळासाहेब सरवदे यांच्या खून प्रकरणाला आता एक वेगळं वळण मिळालं आहे. सरवदे यांच्या हत्येचा आरोप असलेल्या शिंदे कुटुंबाने आता मृत सरवदे यांच्या कुटुंबाविरोधातच पोलिसांत तक्रार दाखल केली आहे. या प्रकरणी आता दुसरा गुन्हा दाखल करण्यात आला आहे. यामुळे सोलापुरातील राजकीय वातावरण अधिकच तापलं आहे.
नेमका आरोप काय?
बाळासाहेब सरवदे हत्या प्रकरणातील मुख्य आरोपी शंकर शिंदे यांचा भाचा राहुल सरवदे याने जेलरोड पोलीस ठाण्यात फिर्याद दिली आहे. राहुलच्या दाव्यानुसार, बाळासाहेब सरवदे यांच्या कुटुंबातील सदस्यांनी हातात तलवार, कोयता आणि काठ्यांसारखी घातक शस्त्रे घेऊन शिंदे यांच्या घरात घुसून मारहाण केली.
निवडणुकीच्या वादातून राडा
फिर्यादीत नमूद केल्यानुसार, आरोपींनी घरात घुसून "तुम्ही आमच्या विरोधात निवडणुकीत उभे राहू नका, तुमच्यामुळे आम्हाला उमेदवारी मागे घ्यावी लागत आहे," असे म्हणत धमकावले. या वादातून फिर्यादीचे मामा शंकर शिंदे, मामी माजी नगरसेविका शालन शिंदे आणि आतिष शिंदे यांना मारहाण करून जखमी करण्यात आले, असा आरोप करण्यात आला आहे.
advertisement
मृत सरवदे यांच्यासह १० जणांवर गुन्हे दाखल
राहुल सरवदे यांच्या फिर्यादीवरून पोलिसांनी मृत बाळासाहेब सरवदे यांच्यासह त्यांच्या कुटुंबातील एकूण १० जणांवर गुन्हे दाखल केले आहेत. यात मृत बाळासाहेब सरवदे, दादासाहेब सरवदे, विनोद सरवदे, रवी सरवदे, श्रीकांत सरवदे, बाजीराव सरवदे, आदित्य सरवदे, आशिष शिंदे आणि बाबा सरवदे आणि इतर एकजण असं गुन्हा दाखल झालेल्या आरोपींची नावं आहेत.
advertisement
पोलिसांची कायदेशीर कारवाई
जेलरोड पोलिसांनी या तक्रारीची गंभीर दखल घेत भारतीय न्याय संहिता (BNS) आणि आर्म ॲक्टच्या विविध कलमान्वये गुन्हा नोंदवला आहे. एका बाजूला मनसे पदाधिकाऱ्याची हत्या आणि दुसऱ्या बाजूला त्याच मृत व्यक्तीच्या कुटुंबावर झालेला प्रति-गुन्हा दाखल झाल्याने सोलापूरात राजकीय वातावरण तापलं आहे.
view commentsLocation :
Solapur,Maharashtra
First Published :
Jan 04, 2026 9:50 AM IST
मराठी बातम्या/महाराष्ट्र/
Solapur: बाळासाहेब सरवदे खून प्रकरणात मोठा ट्विस्ट, मृताच्या कुटुंबाविरोधातच गुन्हा दाखल
