सकाळी मुलींना घास भरवला, दुपारी बाळासाहेब रक्ताच्या थारोळ्यात, बाबांना पाहून चिमुकल्यांनी फोडला हंबरडा!

सोलापूरात शुक्रवारी दुपारी हत्येची धक्कादायक घटना घडली. राजकीय वादातून महाराष्ट्र नवनिर्माण विद्यार्थी सेनेचे पदाधिकारी बाळासाहेब सरवदे यांची निर्घृण हत्या केली. सोलापूरातील प्रभाग क्रमांक दोन मधून बाळासाहेब सरवदे यांच्या वहिनी रेखा सरवदे इच्छुक होत्या. त्यांनी भाजपकडे तिकीटही मागितलं होतं. पण पक्षाने त्यांना तिकीट नाकारलं. यानंतर रेखा यांनी अपक्ष उमेदवारी अर्ज दाखल केला होता. रेखा यांची उमेदवारी कायम राहावी, यासाठी बाळासाहेब सरवदे प्रयत्न करत होते. मात्र येथील उमेदवार शालन शिंदे यांच्यासोबत बैठक झाल्यानंतर रेखा यांनी उमेदवारी अर्ज मागे घेतला.