Ambedkar Jayanti 2025: बाबासाहेबांनी मुक्काम केलेलं गंगा निवास, सोलापुरात आजही जपलाय ऐतिहासिक ठेवा!

सोलापूर- डॉ. बाबासाहेब आंबेडकर आणि सोलापूरचं एक खास कनेक्शन आहे. बाबासाहेबांनी अनेकदा सोलापूर शहर व जिल्ह्यात दौरा करून सभा घेतल्या. 14 जानेवारी 1946 रोजी सोलापुरात आल्यावर ते फॉरेस्ट येथील ‘गंगा निवास’मध्ये उतरले होते. त्यांच्या या भेटीत त्यांनी वापरलेल्या वस्तूंचा ठेवा आजही फॉरेस्ट येथील गंगा निवासात जपून ठेवले आहे. याबाबतच प्रकाश पसलेलू यांनी लोकल18 सोबत बोलताना माहिती दिलीये.

डॉ. बाबासाहेब आंबेडकर अनेकदा सोलापूरला आले होते. 14 जानेवारी 1946 रोजी असेच एका कामासाठी बाबासाहेब सोलापुरात आले होते. यावेळी त्यांचे आदरातिथ्य करण्याचा मान हणमंतू सायण्णा गार्ड यांना मिळाला होता. त्यांनी त्यांच्या घरी म्हणजे गंगा निवास येथे बाबासाहेबांच्या राहण्याची सोय केली होती. गंगा निवाससारखे चांगले घर त्यावेळी आसपासही नव्हते, असं प्रकाश पसलेलू सांगतात.