बाशिंग बांधण्यापूर्वीच रिक्षाचालकाचा तलावात दुर्दैवी अंत; मित्रही बेपत्ता, सोलापुरातील घटना

सोलापूर : आयुष्याची नवी सुरुवात करण्यासाठी लग्नाची स्वप्ने डोळ्यांत घेऊन जगणाऱ्या एका तरुणाचा जीव पाण्याने हिरावून घेतला आणि त्याच्या कुटुंबावर दुःखाचा डोंगर कोसळला. हिप्परगा तलावात पोहण्यासाठी गेलेल्या दोन मित्रांपैकी एकाचा मृत्यू झाला असून दुसरा अद्याप बेपत्ता आहे. तलावात बुडून मृत्यू झाल्याची हृदयद्रावक घटना सोमवारी दुपारी घडली. भारत शिवशंकर सुरवसे वय 28, राहणार जोशी गल्ली, शेळगी असे मृत तरुणाचे नाव आहे, तर त्याचा मित्र गिरीश माळगे राहणार शेळगी हा बेपत्ता असून, त्याचा शोध सुरू आहे.