Mohol Election : मोहोळवर 30 वर्ष मालकांची बादशाहत, 22 वर्षाच्या पोरीची कमाल; पाटील नामोहरण! निकालाची राज्यात चर्चा

Mohol Angar Mohol Election News : मोहोळ नगरपरिषदेत शिवसेनेच्या 22 वर्षीय सिद्धी वस्त्रे नगराध्यक्षपदी विजयी झाल्या आहेत. तर दुसरीकडे अनगर नगरपरिषद अखेर बिनविरोध घोषित करण्यात आली. त्यामुळे राजन पाटील यांच्या सुनबाई प्राजक्ता पाटील अनगरच्या प्रथम नगराध्यक्ष असतील. मोहोळ तालुक्यातील या दोन नगरपरिषदा सध्या चर्चेच्या केंद्रस्थानी आहे. मोहोळ नगरपरिषदेच्या निवडणुकीत भारतीय जनता पक्षाला मोठ्या पराभवाचा धक्का सहन करावा लागला. त्याला कारण ठकली 22 वर्षांची सिद्धी वस्त्रे... सिद्धी वस्त्रे हिने मोहोळच्या इतिहासात नवा विक्रम नोंदवला. तर आधी विधानसभा निवडणूक आणि आता नगरपरिषद निवडणुकीत विरोधकांच्या एकजुटीने राजन पाटलांचा धुव्वा उडवला.