सायकलची पंक्चर काढायला बाहेर पडली अन् काळानं गाठलं, विद्यार्थिनीसोबत भंयकर घडलं, पंढरपुरात हळहळ

पंढरपूर: पंढरपूर शहरातील नवीन कराड नाका परिसरात टिप्परच्या धडकेत महाविद्यालयीन विद्यार्थिनीचा जागीच मृत्यू झाला. रविवारी सायंकाळी पंढरपूर-कराड रस्त्यावर हा भीषण अपघात झाला. श्रेया कांतीलाल गाडे (वय 20) असे मृत विद्यार्थिनीचे नाव असून ती पंढरपूर तालुक्यातील आव्हे येथील आहे. तर तिची मैत्रीण स्नेहा विठ्ठल सवयीसर्जे (वय 18) ही गंभीर जखमी असून तिच्यावर उपचार सुरू आहेत. या घटनेमुळे परिसरात हळहळ व्यक्त होत आहे.