Mumbai News: खेळता-खेळता मित्राचा गेम केला, भांडुपमधील ८ वीच्या मुलाला मित्रांनीच संपवला, मुंबईतील खळबळजनक घटना

मुंबई: मित्रांसोबत खेळायला गेलेल्या एका १४ वर्षीय मुलाचा मृतदेह तलावात सापडल्याने परिसरात खळबळ उडाली होती. सुरुवातीला हा अपघात असल्याचे वाटत असले तरी, शवविच्छेदन (Post-mortem) अहवालाने पोलिसांनाही चक्रावून सोडले. सिद्धार्थ लोंढे असे या मृत मुलाचे नाव असून, त्याच्याच तीन अल्पवयीन मित्रांनी त्याची हत्या केल्याचे तपासात निष्पन्न झाले आहे. या घटनेने परिसरात एकच खळबळ उडाली आहे. आता मुलांच्या मित्रांकडून असं पाऊल उचलण्यात आल्याने पालकांना मोठा धक्काच बसला आहे.