Pandharpur : चंद्रभागेत स्नान केलं पण पांडुरंगापर्यत पोहोचू शकले नाहीत, वाटेतच काळाचा घाला! नेमकं काय घडलं?

चिखली तालुक्यातील कवठळ येथील रहिवासी असलेले रामदास पडघान (42) हे नेहमीप्रमाणे गावातील ४०-५० भाविकांसोबत पंढरपूरच्या वारीसाठी गेले होते. ५ जुलै रोजी सायंकाळच्या सुमारास ही दुर्दैवी घटना घडली. चंद्रभागा नदीत स्नान करून विठ्ठल मंदिराच्या दिशेने जात असताना, रामदास आणि त्यांच्या सोबतचे भाविक रस्त्यावर फळे विकत घेऊन एका ठिकाणी बसून फळे खात होते. याच दरम्यान, रामदास पडघान यांच्या छातीत तीव्र वेदना सुरू झाल्या.