Devendra Fadnavis : सोमनाथ सुर्यवंशीचा खरंच पोलीस कोठडीत मृत्यू झाला का? मेडिकल रिपोर्ट दाखवत फडणवीसांनी काय सांगितलं

Devendra Fadnavis on Somnath Suryvanshi : परभणीत गेल्या आठवड्यात संविधानाच्या विटंबनेवरून दंगल उसळली होती. या दंगल प्रकरणात सोमनाथ सुर्यवंशी याला पोलिसांनी अटक केली होती. यानंतर न्यायालयाने सोमनाथ यांना कोठडी सुनावली होती. या दरम्यान कोठडीत असताना सोमनाथ सुर्यवंशी याचा मृत्यू झाला होता. पोलिसांनी केलेल्या अमानुष मारहाणीत त्याचा मृत्यू झाल्याचा आरोप दलित समाजाने केला होता. या आरोपाच्या मुद्यावर आज विधानसभेत मुख्यमंत्री देवेंद्र फडणवीस यांनी उत्तर दिले आहे. तसेच सोमनाथ सुर्यवंशीचे मेडिकल रिपोर्ट दाखवत मृत्यू कसा झाला? याचे कारण देखील सांगितले आहेत.