उंची तब्बल 8 फूट, संपूर्ण मूर्तीही कागदाच्या लगद्याची, घाटकोपरमधील भटवाडीचा राजा अन् देखाव्याची सर्वत्र चर्चा, VIDEO

मंडळातील कार्यकर्ते या गणपती बाप्पाचे डेकोरेशन सुद्धा पर्यावरण पूरक पद्धतीने करण्यावर भर देतात. ही मूर्ती ठाणे यांनी बनवली आहे. मुंबई महानगरपालिकेने आवाहन केल्याप्रमाणे या मंडळाने इको फ्रेंडली असलेली पर्यावरणपूरक 8 फूट मूर्ती स्थापन केली आहे. यावर्षी अखिल भटवाडी सार्वजनिक उत्सव मंडळाच्या बाप्पाच्या देखाव्याची संकल्पना 'व्यसनाच्या विळख्यातून व्यसनमुक्ती कडे नेणारा महामानव' अशी ठेवण्यात आलेली आहे.

'आम्ही पूर्वीपासूनच गणपती उत्सवात देखावा सादर करताना तो पर्यावरणपूरक पद्धतीनेच करायचो. यंदा ठरवलं की, आपण मूर्तीसुद्धा कागदाच्या लगद्याचीच बनवूया. त्यामुळे यंदा आम्ही 60 ते 70 किलो कागदाच्या लगद्याचा वापर करून आमच्या मंडळाच्या गणपती बाप्पाची मूर्ती साकारली आहे. आमच्याकडे पाहून घाटकोपरमधील इतरही अनेक मंडळांनी प्रेरणा घेतली आहे. ही महामंडळातील कार्यकर्त्यांसाठी खूप मोठी गोष्ट आहे,' असे अखिल भटवाडी सार्वजनिक उत्सव मंडळाचे सरचिटणीस प्रकाश गोळे यांनी सांगितले.