Ganeshotsav Special MEMU: कोकणातून मुंबईला परत यायचंय? काळजी सोडा, ही अनारक्षित रेल्वे ठरेल वरदान

मुंबई : गणेशोत्सवासाठी चाकरमान्यांना आपल्या गावी जातं यावं, यासाठी रेल्वेने विशेष तयारी केली आहे. गणेशोत्सवासाठी यंदा 380 विशेष रेल्वेगाड्या चालवल्या जात आहेत. कोकण विभाग आणि उर्वरित महाराष्ट्रातून मध्य रेल्वेने एकूण 310 गणपती विशेष रेल्वेगाड्या सोडल्या आहेत. गणेशोत्सवाच्या काळात होणारी प्रवाशांची गर्दी लक्षात घेऊन विशेष गाड्यांची सोय करण्यात आली आहे. विशेष म्हणजे फक्त कोकणात जाण्यासाठीच नव्हते तर कोकणातून परत मुंबईला येण्यासाठी देखील विशेष रेल्वेगाडी सोडण्यात येणार आहे. रेल्वेने चिपळूण ते पनवेल अनारक्षित मेमू गाडी चालवण्याचा निर्णय घेतला आहे.