वाल्मिक कराडचा तुरुंगातला मुक्काम वाढणार, सुप्रीम कोर्टानं जामीन अर्ज फेटाळला

बीडच्या मस्साजोगचे सरपंच संतोष देशमुख यांची अत्यंत निर्घृणपणे हत्या करण्यात आली होती. खंडणी प्रकरणातून ही हत्या झाल्याचा आरोप देशमुख यांच्या कुटुंबीयांनी केला होता. या प्रकरणाने जिल्ह्याच्या राजकारणात मोठी खळबळ उडवून दिली होती. या हत्येचा मुख्य सूत्रधार वाल्मिक कराड असल्याचं चौकशीदरम्यान समोर आलं त्यानंतर त्याला अटक करण्यात आली होती.

वाल्मिक कराड याने यापूर्वी जिल्हा न्यायालय आणि हायकोर्टातही जामिनासाठी अर्ज केला होता. मात्र, गुन्ह्याचे गांभीर्य आणि उपलब्ध पुरावे पाहता त्याचे अर्ज फेटाळण्यात आले होते. अखेर कराडने सुप्रीम कोर्टात जामिनासाठी दाद मागितली. त्याला वाटलं तिथे त्याला जामीन अर्ज मिळेल मात्र तिथेही सुप्रीम कोर्टाने जामीन अर्ज पुन्हा एकदा फेटाळून लावला आहे.