सावधान! यंदाची होळी ठरणार सर्वात 'हॉट'; सूर्य ओकणार आग, हवामान खात्याचा धडकी भरवणारा इशारा

मुंबई: थंडी गायब झाली असून आता उन्हाचा तीव्र झळा जाणवायला लागल्या आहेत. विदर्भ आणि मराठवाड्यात गारपिटीनं झोडपल्यानंतर आता उन्हाचे चटकेही तीव्र बसणार आहेत. यंदा वेळेआधीच उन्हाळा येण्याचे संकेत स्कायमेटने वर्तवले आहेत. राज्यातून आता थंडीने पूर्णपणे गायब झाली असून, प्री-मान्सून हंगामात प्रवेश केला आहे. गेल्या काही दिवसांपासून राज्याच्या काही भागांत दिसणारे ढगाळ वातावरण आता निवळणार असून, उन्हाचा कडाका भयंकर वाढण्याचे संकेत हवामान खात्याने दिले आहेत. विशेषतः विदर्भ आणि मराठवाड्यात तापमानाचा पारा ३६ अंशांच्या पुढे जाण्याची शक्यता आहे.