नवरा सोडला, बॉयफ्रेंडलाही केलं चीट, पुण्याच्या तरुणीसोबत जंगलात घडलं भयंकर, 14 दिवसांनी उलगडलं गूढ

यवतमाळ जिल्ह्यातील जोडमोहा शिवारातील तासलोट जंगलात १४ दिवसांपूर्वी एका २६ वर्षीय तरुणीचा अर्धवट जळालेल्या अवस्थेत मृतदेह सापडला होता. एका तरुणीचा अशाप्रकारे मृतदेह सापडल्याने संपूर्ण परिसरात खळबळ उडाली होती. तरुणीसोबत काय घडलं? तिने आत्महत्या केली की तिच्यासोबत घात घडला? याची कसलीच माहिती पोलिसांकडे नव्हती. याबाबत विविध तर्क लढवले जात होते. ही घटना उघडकीस आल्यानंतर १४ दिवसांनी यवतमाळ पोलिसांच्या स्थानिक गुन्हे शाखेने या प्रकरणाचा छडा लावला आहे. प्रियकरानेच आपल्या अल्पवयीन भावाच्या मदतीने हा निर्घृण खून केल्याचं पोलीस तपासात निष्पन्न झालं आहे. पोलिसांनी मुख्य आरोपीला बेड्या ठोकल्या आहेत.