नांदेडमध्ये प्रेम प्रकरणातून अमानुष हत्या, मुलीच्या बापानं तरुणाला दिला भयंकर मृत्यू, विहिरीत आढळला मृतदेह

नांदेड: प्रेमसंबंधातून एका तरुणाचा निर्घृण खून करून त्याचा मृतदेह विहिरीत फेकल्याची धक्कादायक घटना नांदेड जिल्ह्यातील हिमायतनगर तालुक्यातील कांडली येथे उघडकीस आली आहे. नकुल संजय पावडे (रा. कांडली) असे खून झालेल्या तरुणाचे नाव आहे. या घटनेने परिसरात मोठी खळबळ उडाली आहे. विशेष म्हणजे, मुलीचे वडील आणि भावानेच या गुन्ह्याची कबुली दिली आहे.