Sagar Mohalkar: फक्त 3 सेकंद लागले, तरुणाला उचलून खाली आपटलं, सागर मोहोळकरचा जिममधला VIDEO व्हायरल

अहिल्यानगर जिल्ह्यातील जामखेड शहरात गुंड आणि पैलवान सागर मोहोळकर याच्यावर अज्ञात हल्लेखोरांनी अंदाधुंद गोळीबार केला. या प्राणघातक हल्ल्यात मोहोळकर गंभीर जखमी झाला असून त्याला तातडीने पुढील उपचारासाठी पुण्यातील ससून रुग्णालयात दाखल करण्यात आलं आहे. पण, गुंडगिरी करण्यात सागर का कमी नव्हता. एका जिममध्ये घुसून सागरने एका तरुणाला उचलून खाली आपटलं होतं.

[video width="854" height="480" mp4="https://images.news18.com/news18marathi/uploads/2026/03/nagpur-crime-2026-03-e64bc479a78e74292f0581107dd62f45.mp4"][/video]

हा व्हिडीओ मागील वर्षी मे २०२५ मधला असल्याचं समोर आलं आहे. या व्हिडीओमध्ये स्पष्ट दिसतंय की, सागर हा जिममध्ये आला आणि त्याने एका तरुणाला थांबवलं. त्याच्याशी कुठल्या तरी कारणावरून बाचाबाची झाली.  त्यानंतर या तरुणाची कॉलर पकडून त्याला पुढे आणलं आणि कानाखाली मारली. सागर तिथेच थांबला नाही, पुढे त्याने या तरुणाला पाठीमागून पकडलं आणि पैलवान स्टाईलमधून उचलून खाली आपटलं. खाली आदळल्यामुळे या तरुणाला मार लागला, त्याचा दुसरा मित्र तिथे आला आणि त्याला तिथून घेऊन गेला. हा व्हिडीओ सोशल मीडियावर व्हायरल झाला आहे. या तरुणात आणि सागरमध्ये काय वाद होता, याची माहिती समोर आली नाही.