पतीचं निधन पण हार मानली नाही, महिला शेतकरी 15 गुंठे शेतीतून घेतायेत लाखोंचं उत्पन्न, Video

प्रियांका यांनी सेंद्रिय पद्धतीने मिरचीचे उत्पन्न घेतले. शेडनेटमध्ये मिरचीची लागवड केल्याने फवारणीचा खर्च कमी होतो. त्यामुळे त्यांना फक्त 20 ते 25 हजार रुपयांचा खर्च आलाय. तर कमीत कमी पाण्यात भरघोस उत्पन्न मिळतेय. मिरचीला बाजारात 40 रुपये किलोहून अधिकचा दर मिळतोय. त्यामुळे त्यांना एक लाख रुपयांचे उत्पन्न झाल्याचेही प्रियांका यांनी सांगितले.

या अगोदर प्रियंकांनी ढोबळी मिरचीची लागवड केली होती. परंतु त्यातून त्यांना फारसे उत्पन्न मिळाले नव्हते. तरीही त्यांनी हार न मानता हिरव्या मिरचीची लागवड केली आणि त्यांना चांगला नफा मिळाला आहे. यासाठी त्यांनी कृषी विभागाच्या योजनेतू शेडनेट हाऊस साठी मदत घेतली. शेडनेट हाऊस उभारून त्यामध्ये त्या यशस्वी शेती करतात. ठिबक सिंचन, मल्चिंग पेपर आणि पॉलिहाऊस यामुळे कमीत कमी पाण्यात, कमीत कमी खर्चात आणि कमीत कमी फवारणीत जास्तीत जास्त उत्पन्न घेता येते. त्यामुळे शेतकऱ्यांनी शेतीत नवनवीन बदल करायला हवेत, असेही प्रियंका बोडके सांगतात.