Success Story : मामाचा सल्ला ऐकला अन् नोकरीचा राजीनामा दिला, गावकडच्या तरुणाची आता लाखात कमाई

छत्रपती संभाजीनगर : तालुक्यातील कुंभेफळ येथील शुभम शेळके हे शेंद्रा एमआयडीसी येथे पत्तरवाळी निर्मितीचा व्यवसाय गेल्या दोन वर्षांपासून करत आहेत. किराणा दुकानदार यांना पत्तरवाळी, द्रोण, ग्लास या ठिकाणाहून वितरण केले जाते. लग्न समारंभ, अखंड हरिनाम सप्ताह, वाढदिवस, यासह विविध ठिकाणी या पत्तरवाळींची विक्री केली जाते. या व्यवसायाच्या माध्यमातून वर्षाला 7 ते 8 लाखांची उलाढाल होते. याबरोबर पत्तरवाळी व्यवसायातून तीन जणांना रोजगार मिळत आहे. शुभम बरोबरच त्याच्या आई-वडील देखील या व्यवसायात त्याची मदत करतात. तसेच पत्तरवाळी व्यवसाय कसा सुरू करावा याबद्दल सविस्तर माहिती जाणून घेऊ.