Pola 2024 : बैलपोळा सण उत्साहात साजरा, पण हा सण नेमका कशासाठी साजरा केला जातो?

धाराशिव : वर्षभर शेतात राबराब राबणाऱ्या बैलांच्या प्रति कृतज्ञता व्यक्त करण्याचा दिवस म्हणजे बैलपोळा आह. बैलपोळा हा महाराष्ट्रातील एक अत्यंत महत्त्वाचा सण मानला जातो. आज सर्वत्र दर्श पिठोरी अमावस्येच्या दिवशी हा बैलपोळा सण साजरा केला गेला. धाराशिवमध्येही हा बैलपोळ्याचा सण साजरा केला गेला. हा बैलपोळा सण का आणि कसा साजरा केला जातो, हेच आपण जाणून घेऊयात.

बैलपोळ्याच्या दिवशी सर्व देवतांना नैवेद्य अर्पण केला जातो. तसेच बैलांची शिंगे रंगवली जातात. बैलांना रंग लावला जातो किंवा बैलांवरती झुल पांगरली जाते. तसेच बैलांच्या शिंगांना फुगे बांधले जातात. बैलांना साज चढवण्यात येतो. त्यांच्या पायात तोडे, गळ्यात घुंगरांची माळ, असा दिमाखदार साज केला जातो. बळीराजाचा लाडका सर्जा म्हणजेच बळीराजाचं सर्वस्व आहे. त्यामुळे अत्यंत आनंदात हा सण साजरा केला जातो.