पुण्यात कामगार म्हणून काम केलं, पठ्ठ्यानं गावाकडं सुरू केला व्यवसाय, आज 3 लाखांचा नफा
- Published by:Mohan Najan
- Reported by:Prashant Pawar
Last Updated:
अक्षय यांचा फेट्यांचा व्यवसाय आता बीडपुरता मर्यादित राहिलेला नाही. त्यांना राज्यभरात फेट्यांची मागणी वाढवण्याची इच्छा आहे. ऑनलाईन विक्रीच्या माध्यमातून फेटे घरपोच देण्याची योजना त्यांनी तयार केली आहे.
प्रशांत पवार, प्रतिनिधी
बीड : सध्याच्या घडीला अनेक तरुण व्यवसायाकडे वळत आहेत. बीड जिल्ह्यातील नेकनूर गावातील तरुण अक्षय दाईंगडे यांनी आपल्या मेहनतीने आणि उद्योजकतेच्या गुणांनी एक वेगळी ओळख निर्माण केली आहे. शेतीची पार्श्वभूमी असलेल्या या युवकाने आपल्या कष्टाने आणि दूरदृष्टीने फेटे विक्री व्यवसाय हा यशस्वी केला आहे. त्यांच्या या यशाची सुरुवात मात्र सोपी नव्हती. पण त्यांचं जिद्दीने यशस्वी होण्याचं स्वप्न आज अनेकांना प्रेरणा देत आहे.
advertisement
सुरुवातीची वाटचाल कशी झाली?
अक्षय दाईंगडे यांनी सुरुवातीच्या काळात पुण्यातील एका फेटेविक्रीच्या दुकानात कामगार म्हणून काम केलं. तेथे त्यांनी फेट्यांच्या विविध प्रकारांविषयी सखोल माहिती मिळवली. नक्षीकाम, डिझाइन, रंगसंगती याविषयीचे ज्ञान त्यांनी प्रत्यक्ष कामातून आत्मसात केले. पुण्यातील अनुभवातून त्यांनी फेटे व्यवसायाच्या तांत्रिक बाबी समजून घेतल्या ज्यामुळे त्यांना स्वतःचा व्यवसाय सुरू करण्याची प्रेरणा मिळाली.
advertisement
व्यवसाय उभारण्याचा निर्णय
पुण्यातील अनुभव घेतल्यानंतर अक्षय यांनी बीड शहरात आपला फेटे व्यवसाय सुरू करण्याचा निर्णय घेतला. त्यांच्या या निर्णयासाठी कुटुंबाचीही साथ लाभली. बीड शहरातील माने कॉम्प्लेक्स या ठिकाणी त्यांनी आम्ही फेटेवाले या नावाने दुकान सुरू केलं. हे दुकान बीड शहरातील पहिलं फेटे विक्रीचं दुकान ठरलं.
ग्राहकांची पसंती
अक्षय यांचे दुकान अल्पावधीतच प्रसिद्धीस आले. लग्नसमारंभ, धार्मिक उत्सव, सांस्कृतिक कार्यक्रम यासाठी फेट्यांची मागणी मोठ्या प्रमाणावर वाढू लागली. ग्राहकांना आकर्षक डिझाइन, दर्जेदार साहित्य, आणि योग्य किंमतीत फेटे मिळत असल्याने दुकानाला विशेष पसंती मिळाली. याशिवाय वेगवेगळ्या प्रकारचे नक्षीकाम आणि ट्रेंडनुसार डिझाइन करण्यात अक्षय यांची कल्पकता दिसून आली.
advertisement
उत्पन्न आणि नफा
फेट्यांच्या विक्रीतून अक्षय यांना चांगला प्रतिसाद मिळाला. मागील तीन-चार वर्षांपासून त्यांचा व्यवसाय चांगल्या प्रकारे सुरू असून त्यांना वर्षाला सुमारे 3 लाख रुपयांपर्यंत नफा मिळतो. फेट्यांच्या व्यवसायात ग्राहकांच्या गरजा ओळखून त्या पूर्ण करण्याचा त्यांचा प्रयत्न सतत सुरू असतो.
उत्कृष्ट व्यवसाय धोरण
अक्षय यांनी आपल्या व्यवसायात काही ठळक धोरणे अवलंबली आहेत.
advertisement
1. उच्च दर्जा: फेट्यांची गुणवत्ता कायम ठेवण्यासाठी ते नेहमी चांगल्या साहित्याचा वापर करतात.
2. नवीन डिझाइन्स: ट्रेंडमध्ये असलेल्या डिझाइन्स सादर करून ग्राहकांचे लक्ष वेधून घेतात.
3. ग्राहकांसोबत विश्वास: ग्राहकांशी प्रामाणिक व्यवहार करत त्यांनी विश्वास जिंकला आहे.
भविष्यातील योजना
अक्षय यांचा फेट्यांचा व्यवसाय आता बीडपुरता मर्यादित राहिलेला नाही. त्यांना राज्यभरात फेट्यांची मागणी वाढवण्याची इच्छा आहे. ऑनलाईन विक्रीच्या माध्यमातून फेटे घरपोच देण्याची योजना त्यांनी तयार केली आहे.
Location :
Bid,Maharashtra
First Published :
January 03, 2025 11:40 AM IST
मराठी बातम्या/मनी/
पुण्यात कामगार म्हणून काम केलं, पठ्ठ्यानं गावाकडं सुरू केला व्यवसाय, आज 3 लाखांचा नफा
