आता EMI वर खरेदी करता येईल रेशन! Blinkit चा जबरदस्त प्लॅन
- Published by:Mohini Vaishnav
Last Updated:
तुम्ही Blinkit वरून 2999 रुपयांपेक्षा जास्त किमतीची वस्तू खरेदी केली तर तुम्हाला सर्व पैसे एकाच वेळी भरण्याची गरज नाही, तुम्ही ते हप्त्यांमध्ये भरू शकता.
मुंबई : ब्लिंकिटने ग्राहकांसाठी एक नवीन मार्ग आणला आहे. ज्यामुळे ते अगदी महागड्या वस्तूही सहज खरेदी करू शकतात. आता जर तुम्ही Blinkit वरून 2999 रुपयांपेक्षा जास्त किमतीची वस्तू खरेदी केली तर तुम्हाला सर्व पैसे एकाच वेळी भरण्याची गरज नाही. तुम्ही ते हप्त्यांमध्ये भरू शकता. ब्लिंकिट कंपनीचे मालक अलबिंदर धिंडसा यांनी ट्विटरवर लिहिले की, आता तुम्ही हप्त्यांमध्ये ब्लिंकिटमधून वस्तू खरेदी करू शकता.
यूझर्सना काय फायदा होईल?
ब्लिंकिटने सांगितले की, आता तुम्ही हप्त्यांमध्ये ब्लिंकिटमधून वस्तू खरेदी करू शकता. तुम्ही 2999 रुपयांपेक्षा जास्त किमतीची वस्तू खरेदी केल्यास, तुम्हाला सर्व पैसे एकाच वेळी भरण्याची गरज नाही, तुम्ही ते हप्त्यांमध्ये देऊ शकता. यामुळे आमच्या ग्राहकांना वस्तू खरेदी करणे सोपे होईल आणि ते त्यांच्या पैशाचा अधिक चांगला वापर करू शकतील. Blinkit च्या प्रतिस्पर्धी Zepto ने या महिन्यात 'By now, pay later' (BNPL) फीचर लाँच केल्यानंतर अवघ्या एक महिन्यानंतर हे फीचर आले आहे.
advertisement
हप्त्यांमध्ये पैसे देण्याच्या ऑप्शनमुळे ग्राहकांना ब्लिंकिटमधून महागड्या वस्तू खरेदी करणे सोपे होईल. याच्या मदतीने तुम्ही इलेक्ट्रॉनिक्स वस्तू, मोठ्या प्रमाणात किराणा सामान किंवा घरगुती वस्तू सहज खरेदी करू शकता. ही सुविधा सणांच्या काळात खूप उपयुक्त ठरू शकते, कारण लोक सणांमध्ये जास्त खर्च करतात.
advertisement
या बँकेच्या यूझर्सना फायदा होईल
आता ब्लिंकिट वरून वस्तू खरेदी करताना तुम्ही हप्त्यांमध्ये पैसे देऊ शकता. HDFC, SBI, ICICI सारख्या अनेक मोठ्या बँकांच्या सहकार्याने ब्लिंकिटने ही सुविधा सुरू केली आहे. तुमच्या खरेदीचे मूल्य मर्यादेपेक्षा जास्त असल्यास आणि तुमची बँक या यादीत असल्यास, तुम्ही हप्त्यांमध्ये पैसे देऊ शकता.
Location :
Mumbai,Maharashtra
First Published :
Oct 25, 2024 12:58 PM IST
