नोकरदारांच्या पदरी निराशा, टॅक्स स्लॅबमध्ये बदल नाही, जुन्या आणि नव्या रिजीममध्ये काय फरक?

संपूर्ण बजेट सादर झालं तरी नोकरदार वर्गात काहीच मिळालं नाही अशी भावना आता बजेटनंतर झाली आहे. किमान बजेटकडून Income Tax मध्ये काहीतरी दिलासा मिळेल अशी आशा होती. मात्र .या सगळ्या आशांवर पाणी फिरलं आहे. नोकरदार वर्गाचे डोळे लागून राहिलेल्या यंदाच्या अर्थसंकल्पात मोठी घोषणा करण्यात आली. अर्थमंत्री निर्मला सीतारामन यांनी स्पष्ट केले की, नवीन आणि जुन्या दोन्ही टॅक्स रिजीममध्ये स्लॅबमध्ये कोणताही बदल करण्यात आलेला नाही. मात्र, करदात्यांना दिलासा देण्यासाठी आयटीआर भरण्याची मुदत वाढवून देण्यात आली आहे.