Food Business: ब्रँड सोडा, इथं फेमस आहे गावचा पेढा, आजोबांची कमाई नको, खवय्यांची गर्दी पाहा!

सोलापूर: एखाद्याच्या हाताला चव असेल तर त्याने बनवलेले पदार्थ खाण्यासाठी खवय्ये कितीही लांबून तिथं जातात. पण ही चव टिकवून स्वत:चा ब्रँड तयार करणं काही जणांनाच जमतं. दक्षिण सोलापूरमधील मुस्ती गावात 59 वर्षीय सुरेश वाकडे राहतात. त्यांनी आपल्या छोट्याशा हॉटेलमध्ये बनवलेला पेढा खाण्यासाठी नेहमीच गर्दी असते. विशेष म्हणजे हा गावचा पेढा चांगलाच फेमस झाला असून रोज 5 हजार रुपयांची विक्री होतेय. यातून चांगली कमाई देखील होत असल्याचं लोकल18 सोबत बोलताना वाकडे सांगतात.