E-mail मध्ये घोळ, बँक अकाउंटमध्ये गडबड, केंद्र सरकारच्या योजनेत सर्वात मोठा घोटाळा?

ई मेलमध्ये घोटाळा आणि बँक खात्यांमध्ये गडबड, केंद्र सरकारने तरुणांसाठी सुरू केलेल्या योजनेमध्ये मोठा घोटाळा झाल्याची चर्चा सोशल मीडियावर सुरू आहे. देशातील तरुणांना स्वावलंबी बनवण्यासाठी सुरू करण्यात आलेली प्रधानमंत्री कौशल विकास योजना सध्या गंभीर संशयाच्या भोवऱ्यात सापडली आहे. भारताचे नियंत्रक आणि महालेखापरीक्षक यांनी गुरुवारी लोकसभेत सादर केलेल्या ऑडिट अहवालाने या योजनेतील भ्रष्टाचाराचा महापूरच समोर आणला आहे. ज्या हातांना काम मिळायला हवे होते, त्याच तरुणांच्या नावाने कागदावर भुतिया साम्राज्य उभे करून सरकारी तिजोरीवर डल्ला मारल्याचे या अहवालावरून स्पष्ट होत आहे.