Tenant Legal Rights : घर रिकामं केल्यानंतरही मालक दुरुस्तीचे पैसे मागू शकतो का? काय सांगतो कायदा, भाडेकरूंनी जाणून घ्या नियम

मुंबई : शहराच्या ठिकाणी नोकरी किंवा व्यवसायानिमित्त राहताना भाड्याचं घर हा आपल्या आयुष्याचा एक मोठा भाग असतो. घर शोधण्यापासून ते घर मिळेपर्यंतचा प्रवास जितका कठीण असतो, तितकाच कठीण प्रवास घर सोडतानाही असतो. घर सोडायची वेळ आली की, अनेकदा घरमालक आणि भाडेकरू यांच्यात डिपॉजिट परत मिळवण्यावरून खटके उडतात. भिंतीचा रंग उडाला आहे, नळ खराब झाला आहे, किंवा खोलीची दुरवस्था झाली आहे, अशी कारणं देऊन मालक पैसे कापायला बघतो.