Trending:

माझं Credit Card 10 सेकंदांसाठी पाठवत आहे, तुझ्या नेटला स्पीड असेल तर शॉपिंग कर; लिंक्डइनवर महिलेला ऑफर, उत्तराने इंटरनेटवर खळबळ

Published by:Jaykrishna Nair

Last Updated:April 25, 2025 6:49 PM IST

लिंक्डइन या व्यावसायिक नेटवर्किंग प्लॅटफॉर्मवर एका महिलेला आलेल्या विचित्र अनुभवाने सध्या सोशल मीडियावर चांगलीच चर्चा रंगली आहे. एका अज्ञात व्यक्तीने तिला केवळ दहा सेकंदांसाठी क्रेडिट कार्ड वापरण्याची ऑफर दिली आणि या अनपेक्षित 'नेटवर्किंग'च्या प्रयत्नाला महिलेने दिलेल्या सडेतोड उत्तराने अनेकांचे लक्ष वेधले आहे.

इम्पॅक्ट शॉटतुमचा गेटवे लेटेस्ट न्यूज

मुंबई: सोशल मीडियाच्या युगात व्यावसायिक नेटवर्किंगसाठी वापरले जाणारे ‘लिंक्डइन’ हे व्यासपीठ अनेकांसाठी करिअर संधी, संवाद आणि नॉलेजसाठी उपयुक्त ठरतं. पण हल्ली या प्लॅटफॉर्मवर देखील व्यावसायिक नेटवर्किंगच्या पलीकडे वैयक्तिक संवादांचं प्रमाण वाढलं आहे. अशाच एका अनुभव हरनूर सलुजा या कम्युनिकेशन प्रोफेशनलला आला. तिच्या एका पोस्टमुळे संपूर्ण इंटरनेटमध्ये खळबळ उडाली आहे.

अनपेक्षित आणि विचित्र मेसेज

हरनूरला एका अनोळखी व्यक्तीकडून लिंक्डइनवर एक 'कनेक्शन रिक्वेस्ट' आली. ही रिक्वेस्ट स्वीकारल्यानंतर तिला जो मेसेज मिळाला तो संपूर्णत: व्यावसायिक चौकटीबाहेरचा होता. त्या मेसेजमध्ये लिहिलं होतं – मी तुला माझं क्रेडिट कार्ड १० सेकंदांसाठी पाठवत आहे. तुझं नेट स्पीड असेल तर शॉपिंग कर.

हा मेसेज केवळ अजबच नव्हता तर तो लिंक्डइनसारख्या व्यावसायिक व्यासपीठवर अनपेक्षित होता. हरनूर म्हणते, मेसेज पाठवणाऱ्या व्यक्तीला नेमके काय टेस्ट करायचे होते? माझ्या इंटरनेटचा स्पीड, माझी नैतिकता की स्क्विड गेम सारखा वेग?

हरनूरने त्या दहा सेकंदांत तिच्या मनात काय विचार आले ते देखील शेअर केले आहे. ती म्हणते, मी स्टँडिंग डेस्क खरेदीच्या विचार केला – महिलांसाठी उभं राहण्यासाठी! किंवा मायक्रोफोन विकत घेऊन या प्रसंगावर पॉडकास्ट करावा का हे ठरवत होते. अखेरची टॅब बंद करून अशा लोकांपासून पळण्याचा विचार केला.

शेवटी हरनूर म्हणते- जर तुझ्या मते क्रेडिट कार्ड पाठवणं म्हणजे 'नेटवर्किंग' असेल. तर लक्षात ठेव. माझं इंटरनेट फास्ट आहे. पण माझी नैतिकता त्याहूनही फास्ट आहे.

हरनूरच्या या पोस्टनंतर शेकडो लोकांनी तिला पाठिंबा दिला. तिचं कौतुक केलं आणि काहींनी स्वतःचे असेच अनुभव शेअर केले.

एका व्यक्तीने गंमतीने लिहिलं – कमीत कमी १० मिनिटं तरी पाठवायचं होतं!

हरनूरने उत्तर दिलं – १० मिनिटंही पुरेशी थेरपी मिळवून देऊ शकणार नाहीत.

अनेकांनी लिहिलं – "प्राउड ऑफ यू"

काही महिला वापरकर्त्यांनी स्वतःचे अनुभव शेअर करत सांगितलं की, एका इन्फ्लुएन्सरने मला मेसेज केला की मी त्याच्या पोस्टवर कमेंट केली म्हणून तो मला पैसे ट्रान्सफर करू इच्छितो.मी दोन वेळा नकार दिला. तरी तो पाठपुरावा करत राहिला. शेवटी ब्लॉक केलं.

view comments

Location :

Mumbai,Maharashtra

First Published :

April 25, 2025 6:49 PM IST

माझं Credit Card 10 सेकंदांसाठी पाठवत आहे, तुझ्या नेटला स्पीड असेल तर शॉपिंग कर; लिंक्डइनवर महिलेला ऑफर, उत्तराने इंटरनेटवर खळबळ