Gold Investment News : ‘नाहीतर सगळा पैसा गमवाल...’, सोन्याच्या गुंतवणुकीवर सेबीच्या पत्राने उडाली मोठी खळबळ

Gold News : सुरक्षित आणि भविष्यात चांगला परतावा देणारी गुंतवणूक म्हणून अनेकजण सोन्यात गुंतवणूक करतात. मागील काही वर्षांमध्ये सोन्यातील गुंतवणुकीचे प्रमाण वाढले आहे. अनेकांकडून सोन्यातील गुंतवणुकीचा पर्याय म्हणून डिजीटल गोल्डचा पर्याय निवडला जातो. मागील काही वर्षात डिजीटल गोल्डमधील गुंतवणुकीत वाढ झाली आहे. गुंतवणूक करण्यास सोपं आणि कोणत्याही शुल्कात मोठी कपात होत नसल्याने डिजीटल गोल्डमध्ये गुंतवणूक करण्याकडे ओढा वाढला आहे. डिजीटल सोन्यात गुंतवणूक करणाऱ्यांना सेबीने धक्का दिला आहे. सेबीच्या एका परिपत्रकाने गुंतवणूकदारांमध्ये धास्ती वाढली आहे.