ट्रम्पच्या मित्रानेच घात केला! एका कारणामुळे जगाचं टेन्शन, सोन्या चांदीच्या दरात तुफान तेजी

सोन्याच्या दरातील या वाढीमागे मुख्य कारण म्हणजे यूएस फेडरल रिझर्व्हकडून व्याजदरात कपात होण्याची वाढती शक्यता आहे. जेव्हा फेड बँक व्याजदर कमी करते, तेव्हा सोन्यासारख्या सुरक्षित गुंतवणुकीकडे लोकांचा ओढा वाढतो, ज्यामुळे सोन्याचे भाव वाढतात. मात्र, अमेरिका आणि चीनमधील व्यापार तणाव कमी झाल्यामुळे सोन्याच्या दरातील वाढ काही प्रमाणात नियंत्रित राहिली आहे. जागतिक बाजारातसोन्याचा हाजिर भाव ०.२ टक्क्यांनी वाढून $३,९५७.४२ प्रति औंस वर आहे. (डिसेंबर डिलिव्हरी असलेला यूएस गोल्ड फ्युचर्स मात्र ०.३ टक्क्यांनी घसरून $३,९७१.२० प्रति औंसवर आहे.

रॉयटर्सच्या अहवालानुसार, सोन्याच्या दराला अनेक घटकांचा मोठा आधार मिळत आहे. भू-राजकीय अनिश्चितता: मध्यपूर्वेत (Middle East) भू-राजकीय तणाव वाढल्यामुळे सोने महागले आहे. इस्रायलने हमासवर युद्धविराम मोडल्याचा आरोप केल्यानंतर गाझामध्ये पुन्हा हल्ले सुरू केले आहेत. अशा युद्धजन्य किंवा अस्थिर परिस्थितीत गुंतवणूकदार सुरक्षित मालमत्ता म्हणून सोन्याकडे वळतात.