जोर का झटका! सोसायट्यांच्या पार्कींगबाबत उच्च न्यायालयाने दिला मोठा निर्णय

मुंबई : तळघर (बेसमेंट) आणि पार्किंगसारख्या जागा या इमारतीतील सामायिक सुविधा मानल्या जातात. त्यामुळे त्या स्वतंत्र मालमत्ता म्हणून विकता येत नाहीत किंवा त्या आधारे सहकारी गृहनिर्माण संस्थेचे सदस्यत्व मिळवता येत नाही, असा महत्त्वाचा निर्वाळा मुंबई उच्च न्यायालयाने दिला आहे. बुधवारी दिलेल्या या निर्णयामुळे गृहनिर्माण क्षेत्रात स्पष्टता निर्माण झाली असून, भविष्यात अशा प्रकारच्या वादांवर मोठा परिणाम होण्याची शक्यता आहे.