Credit Card ने कॅश काढताय? मग दोनदा करा विचार, बिघडू शकतं बजेट

जेव्हा तुम्ही एटीएमद्वारे तुमच्या क्रेडिट कार्डमधून पैसे काढता तेव्हा बँक कॅश अॅडव्हान्स शुल्क आकारते. हे शुल्क सहसा काढलेल्या रकमेच्या टक्केवारीचे किंवा निश्चित रकमेचे, जे जास्त असेल ते असते. उदाहरणार्थ, एचडीएफसी बँक 2.5 टक्के किंवा 500 रुपये (जे जास्त असेल ते) आकारते. कोटक महिंद्रा बँक 10,000 रुपये रोख काढण्यासाठी 300 रुपये आकारते, परंतु हे देखील कमाल 2.5 टक्के किंवा 500 रुपयांपेक्षा जास्त नाही.

ही तर फक्त सुरुवात आहे. यानंतर तुम्हाला व्याजही द्यावे लागेल. तेही कोणत्याही वाढीव कालावधीशिवाय. म्हणजेच, तुम्ही पैसे काढताच, व्याज आकारण्यास सुरुवात होईल आणि हा व्याजदर सामान्य खरेदीपेक्षा खूप जास्त असेल.